lørdag 7. september 2013

Mellom oss



Kva skjelv dei for,
desse strålane som strøymer
frå auga våre
som små magnetismebølgjer
på eit uendeleg hav;

Kva søkjer dei etter,
dei lengtande blikk, dei svevande draumar
som fyl med oss, alltid eit steg framfor
og er der
vi kjem om eit hjarteslag;

Kva skjer når dei kvervlar i hop,
som samanvikla leidningar –
knutar som aldri går opp,
aldri i æva
Kva skjer med oss då?

Kan vi møte framtida sidelengs,
med blikket vend mot kvarandre,
utan å snuble på vegen
eller gå oss vill i skogen av
alt som burde eller skulle vore gjort,

Tør vi la strålane strøyme
vidare og vidare og vidare og vidare
til vi ikkje lenger kan skilje
kor dei einskilde kjem ifrå?

Ingen kommentarer:

Legg inn en kommentar