fredag 6. september 2013

Bak private dører



To lukkelege sjeler,
ho og han og det som er mellom,
det som ligg der – som juvelar
i lufta dei pustar, i golvet dei trør
- Det er deira rom, deira fristad
Det er her dei kan dele seg sjølve,
fullt ut – og vere heile,
ingen andre har noko med
alt det gode som skjer
bak deira dør

I neste kvartal, ei anna dør

to sjeler,
ho og han og det som er mellom,
det som ligg der – som knasande grus
mellom tenner, som spiker i veggane
- Det er deira rom, deira fengsel
Det er her dei kjempar sine slag,
det er her dei slikkar sår, og blåmerker
gror – den ventande krigen
som eit pustande dyr
mot dørstokken

I neste kvartal, ei tredje dør

som skjuler ei sjel,
hennar siste skanse mot verda,
og alt som ligg der – som klagande
tonar, stirrande blikk og tause munnar
gjennom gater så grå som hennar sinn
- Det er hennar rom, hennar einsame øy
Lufta, og tida, står stille,
alt stoppar opp i det ho går gjennom
si blåfarga dør,
inn i lengsla
inn i einsemda…

Tre private dører
Så firkanta og like, med låsar
som lukkar verda ute –
og inne det vi aldri vil få sjå


#dører

Når eg går gjennom bygater, eller gjennom byggefelt, eller køyrer forbi hus om kvelden når det er mørkt, og lysa stråler ut frå stoveglasa, kan eg ikkje la vere å undrast: Lurar på kven som bur her. Korleis har dei det? Er dei lukkelege? Gler dei seg til morgondagen? Ber dei på sorger som knuser dei, sakte men sikkert, til skuggar av seg sjølv? Er dei redde? Har dei slutta å håpe? Det er så mange menneske på denne jorda. Så mange ulike liv. Bak kvar dør bur det menneske som har det annleis enn meg sjølv, lever annleis liv, har andre draumar, andre mål. Dette er ein av dei tinga som gjer det spennande å vere menneske!

3 kommentarer:

  1. Hm....flott og sterkt skrevet. Og jeg kjenner meg igjen - jeg og er sånn, at jeg undrer meg over hvem som bor i alle husene jeg ser, hva som skjer der inne og hvordan de har det. Jeg tror du har beskrevet mangfoldet. På godt og vondt. Ønsker deg en flott helg :) klem, Spirea

    SvarSlett
  2. Gjenkjennbare tanker. Det er så mange måter å leve dette livet på. Englepappa, dette var bra gjort. Både ord og bilde.

    SvarSlett
  3. it's near from "Parc Güell"? I infer for the steep street. Sorry, I only recognize the beer truck (Moritz), a good beer from Barcelona ;)

    greetings

    SvarSlett