mandag 28. januar 2013

Landingsplass



Der ligg ein landingsplass
og ventar på meg, ein stad
der framme
på andre sida av fjorden

Ein dag skal eg stake båten mot land
og lande den
for første og siste gong

Ingen kan fortelje korleis det er
Vi har inga krønike med minner
frå tidlegare landstigingar
Dei som har prøvd
kan ikkje lenger nå oss

Difor ror eg båten
med trufast nyfike
og håp
om ei sikker hamn

2 kommentarer:

  1. Liker "båten" som bilde på livet, og veien gjennom livet som en rotur...

    SvarSlett