onsdag 5. desember 2012

Eld



Eg ser ned på fyrstikka,
den vesle trepinnen
i mi eiga hand
- At noko så lite
kan gjere så store ting

Eg er glad
sjølv om frykta er større

Forundra ser eg på elden
- Du er min, seier eg
Eg skapte deg sjølv,
med denne, seier eg
og held opp fyrstikka

Viftar den mot flammane,
men ingen vert imponert

- At ein kan skape noko
ein rår så lite med,
tenkte eg,
før eg la på sprang

Fyrstikka låg att i skogen


Ingen kommentarer:

Legg inn en kommentar