søndag 18. november 2012

Skuggane



Røysta frå fortida,
den stille kviskringa
frå dei som gjekk framfor,
dei som kastar eit blikk over skuldra
vinkar oss framover
vidare, vidare:

Dette var ein gong vår jord
men ingen får bli
ingen får stoppe
Vidare, vidare:

No er vi gløymde skuggar
andre trør på åkrane våre
andre syng songar i vårlufta vår
andre spring over engene
dansar i gatene, ler i husa
våre
Vidare, vidare:

Du skal også – hit
ut
Ein gong er også du ein gløymd skugge
og det einaste som tel
er
kven du var, kva du gjorde
og viktigast av alt: kven
Ja, kven
du tilhøyrde

Ingen kommentarer:

Legg inn en kommentar