fredag 30. november 2012

Med blikk på verda



Med ryggen til universet
og blikket vendt mot jorda
går han sin vante tur over himmelen

Han har sett mykje, månen
sett tider skifte, tider komme
og tider gå

Han har sett hærar ruste opp
og hærar kome heim att,
sett spora i det blodige kjølvatnet

Han har sett foreldre
kjempe for sine born, han har sett
born, aleine – i aude gater

Eit blikk:
Ein nabo som stel
Ein direktør som lyg
Ein ektemann med koffert på perrongen

Han har sett menneske ete
og menneske svelte
død og liv, fødsel og grav, side ved side

og ofte har ein skugge
glidd over ansiktet,
eit skuffa skjær i dei gamle auga

Det er ei tung bør å måtte sjå
kor det går gale
og ikkje kunne gjere noko med det

1 kommentar:

  1. Hei, må takke for at du leser bloggen min. Det gjør meg utrolig glad!
    må si du imponerer med hvordan du får ord til å bety så mangt!

    Den nye bloggen min er så vidt oppe å går, dersom du følger litt med så vil du muligens se at det blir noe ut av det etter hvert! her er link: http://tankesonen.wordpress.com/

    Ønsker deg en vakker dag!

    SvarSlett