tirsdag 27. november 2012

Lydspor



Eg kunne lese
lydsporet i grantrea,
kor naturen hadde herja,
eit kort crescendo, frå sommar
til haust
og alle dei ville vindane
no dempa
til eit minimum

kvilande i mellomrommet
mellom haustens paukeslag
og førvinterens kaldsure tonar

Ein av dei dagane
eg kan klippe ut, henge på veggen
og sjå på med glede
i ettertid;

det var så stille
eg kunne høyre
mine eigne tankar

1 kommentar: